قمنا انتباشر في سلامتك يا مير
كنه من الأيام عيد ارمضاني
زاد الفرح وانهال نظم الشواعير
جزل القوافي باهره بالمعاني
بقلوب شعبك لك محبة وتقدير
ياللي ملكت الناس قاصي وداني
سلطان يا سلطان يا منبع الخير
وسمّوك باسمه يا عريب المجاني
نجمك سطع فوق النجوم المشاهير
بالطيب فعلك واضحاً للعياني
حنا جنودك بالوطن وين ما تسير
يوم ان بعض الناس بالعهد خاني
ضد الذي ينوون بالأرض تفجير
ما نقبله يا مير سر وعلاني
ولكم ولانا يا طوال الاشابير
في عهدكم كلاً من الخير جاني
آل السعود اللي تقود الطوابير
عدوهم بالكون يوطى وطياني
بفعل الشجاعة فوق أبو زيد والزير
وراع العطا للمملكة دوم باني
على الشريعة حكمهم دون تقصير
حطوا قضاة لكل مفتن وجاني
انتم هل العوجا شهار المشاهير
ملجا لمنهو يشكي الضيم عاني
وبوصفكم كل القوافي مقاصير
باللي حكموها بمرهفات السناني
الله يوفقكم بدرب التياسير
يا من له بقلب السعودي مكاني
وجعل الولي يكفيك شر العواثير
وتبقى لنا ذخراً بهذا الزماني
"مدارات شعبية"