يا سيدي سلمت والشر عداك
تقوم سالم يا مقر الزعامه
الله من شر المقادير يحماك
تلبس ثياب العافيه والسلامه
الناس مشتاقه لشوفة محياك
متعودين الطيب والابتسامه
يا كثر ما تسبق على الجود يمناك
فزعتك للمحتاج تسبق كلامه
حاتم زمانك ما تعدد مزاياك
تصعب على اللي يلبسون العمامه
شعبك يحبونك ويدعون مولاك
سلامتك شفا الجميع ومرامه
بنيت جيش للوطن يرعب عداك
بنيت له مجد رفيع مقامه
يمشي على خطتك ويدور رضاك
من شرقها حتى روابي تهامه
والشعر يا سيد هل الجود ينصاك
يحمل مشاعر خادمك واحترامه
جندي من الأمن السعودي وحياك
حبك يابو خالد لبسنا وسامه
"مدارات شعبية"