يا سيدي سلطان يا منتهى الطيب
يا مزين اللي يشتكي من زمانه
يا مزين اللي قد غشى وجهه الشيب
وناب الدهر عضه وحطم كيانه
ما عمر محتاج تنصاك ويخيب
كم معسر سلطان مده واعانه
يدفع كثير المال من خاصة الجيب
سلطان للمحتاج يضفي حنانه
مدحٍ على فعلٍ مضاله تجاريب
الطيب أبو خالد تصدر مكانه
نجمٍ لمع لو غابت نجوم ما يغيب
أنشهد انه من نوادر زمانه
من غير تقصير بباق المعازيب
لكن سلطان السعد ذاك شانه
أبوه خلا الشاه تامن من الذيب
أنعم على شبه الجزيرة بمانه
عبدالعزيز اللي يضد الأجانيب
بسيفه عدو الدين ذله واهانه
خيرٍ على الصاحب بلطفٍ وترحيب
وشرٍ على من هاز حكمه وخانه
ما هاب هومات المخاطر على النيب
الشلف والسيف المهند لسانه
لين استقرت وانكشف زايف الريب
ونال المعالي فوق صهوة حصانه
يا مير مالي عن محياك تجنيب
يا عزنا وقت القسى والليانه
"مدارات شعبية"