لو العمر يفدا فديناك بأعمار
ولو المرض يؤخذ خذيناه يا أمير
يا كثر منهو للمرض عنك يختار
من غير منّه يا حبيب الجماهير
ويا الله عسى يبعد مسافات وأمتار
وتطلع معافى سيد الطيب والخير
واطلب من الله وادعي الليل بأذكار
انك تحلق بالشفا كنك الطير
يا للي ورثت العز من ماكر أحرار
مجدك رفيع وسيرتك بالكرم غير
وياللي كرمك مطوق الكل بالدار
يمناك ما خلت على الناس تقصير
زرعت من طيبك مع الناس تذكار
للطفل والأنثى وللعود والغير
كافل يتيم وعاتق أرقاب وأعمار
وغيرت في مجرى البشر خير تغيير
جودك نما فينا من الخير انهار
وتشهد على قولي رجالٍ مناعير
ويا سيدي زبدة قصيدي والأشعار
أن الولي يكتب مشافاك يا أمير
"مدارات شعبية"