والله إني مدري وش ودي أقول
من صورةٍ شفتها بوسط الجريدة
الحقيقة المنظر اللي شفته خجول
وخلاني أتحرك وأكتب هالقصيدة
ميرٍ .. والله إني في ذهول
وأقول..عسى ربي ما يعيده
منظرٍ شفته وقلبي عرض وطول
وصابني في داخل القلب ووريده
شبابٍ.. ويتراقص بأنصاف الليول
رقصات غربٍ وهي عنا بعيده
استنكروا عاداتنا واللي نقول
وراحوا قلدوا اللي الله لا يعيده
عيب عليكم.. وين عيال الأصول؟
والمرجلة.. عنكم اشهد انها بعيدة
قلبتوا الدنيا علينا بالطبول
وبالجينز والكاب والقصة الجديدة
اشهد ان عيونكم غدت حُول
تحسبون الناس بتفرح وبتزيده
يمين ما انتم عيال الفحول
تهبون.. الا عن شواربكم بعيده
"شواطئ"