يامل قلب عذبه كثر الانواع
يبي الطمع مار الطمع يخلف الطوع
والله يا لولا زرفلة شقح الاقطاع
واقول باخذ لي مع البدو قرطوع
لا اصير في قصر لا اروع ولا ارتاع
لا هالك ضامي ولا ميت جوع
مار البلا وان طاح بالصلب رماع
وشدوا له الجبلان مع بينة الشوع
تلقا لهم من عند ربا القد مرماع
ما عبروا في عرفج الشق مقطوع
حزم غدا لقيلقلانه تمر ياع
والرمث ينبت في مذاريه طالوع
في مربع وان جاه راع الغنم ضاع
تلقا الجوازي خنس فيه وارتوع
واحب هد الطير والطرش منداع
شرق من المجذم شمال عن الكوع
فالى حصل صفق الحباري مع القاع
والله ما اغبط اللي يصوع الذهب صوع
"مدارات شعبية"