فاضت العين بالدمعه وغيّم سماها
وغيرها عيون شعباً بالمحبة صدوق
في محبتك يا مولاي تثبت وفاها
منزلك فالعيون ومسكنك فالخفوق
ولا اتلام القلوب الصادقة في غلاها
وانت حبك دخل فالدم وسط العروق
عل ما باس يا فخر البلاد وذراها
في نهاراً لميع القصف مثل البروق
لا ولع نارها واشتد صالي سناها
والمنايا لها بين الحفيفين سوق
أنت قايد أجيوش صادقه في ولاها
تودع الضد واعتاده دمار امحروق
الله ايجير نفسك من مرضها وبلاها
وعلها لك طهور وعابره ما تعوق
وترجهن القلوب اللي عليكم خذاها
دمعة فالعيون وعبرة فالحلوق
وعل حسناك يا مولاي تاخذ جزاها
صحه وعافيه ومن العذاب امتعوق
كم فضيله وكفك يا أبو خالد عطاها
لين صارت على أرقاب المحبين طوق
وكم خطيه وحلمك والتسامح محاها
يوم نظرات عينك يا كحيلان فوق
وكم أنفوس مريضه وانت سبة شفاها
الملايين تدفعها لنقل امعلوق
وكم يتيماً مسحت لدمعته ثم نساها
يوم قلبك رحوم وباليتاما شفوق
وكم ديونٍ على معسر عجز عن وفاها
وشلت عنه الثقيل وسقت كل الحقوق
أشهد أنا بحبك نفتخر وانتباها
يا رفيع المقام ويا عريب العموق
أن سلم راسك الدنيا تحدد هناها
يا زعيمٍ أفعولك للنشاما تشوق
كل ما بانت الخلات كفك رفاها
من لنا غير أبو خالد يسد الفتوق
المراجل عسايف وانت بيدك عصاها
نخوة الطيب في راسك وعيّت تفوق
"مدارات شعبية"