سلطان عسى من سريرك تقومي
يا سيدي عسى تقوم امتعافي
في جاه من ينشي ثقيل الغيومي
اطلب عسى يشفيك وهو المشافي
الواحد اللي بالخلايق رحومي
حتى على العاصين بالخير ضافي
منجي سفينة نوح بموجٍ يعومي
فوق الجبل رساه يوم الطوافي
يا الطيب الي ما بطيك ثلومي
تفعل ولا تطري عليك الحسافي
اخو فهد لا صار يوماً كتومي
الضد لاشافك يجيه ارتجافي
يازبن من كثرت عليه الهمومي
عقب الشقا والبوس شاف العوافي
يا بن الذي وحّد بلدنا عمومي
من البحر حتى البحر بإنتصافي
جمع شتاتٍ عقب ماهي خصومي
زال الضلال وزال عنها الجفافي
خلف ملوكٍ عادلين قرومي
أهل الصخى والجود ريف الضفافي
دمتم ودام بلادنا في نعومي
دمتم عليها في معز وسلامي
"مدارات شعبية"