ندخل على الله خالق الكون نرجيه
منزّل القرآن رحمة وشافي
يا ربي تشفي من نحبه وتعطيه
طول العمر.. مع الهنا والعوافي
يا ذا الجلال الحي يا رب تكفيه
الباس واكدار العنا وانت كافي
يسلم حبيب الشعب ذخره وراعيه
هو ناصر المظلوم والعطف ضافي
والله ثم والله ما احدٍ يوازيه
سلطان ما يحصي مزاياه قافي
من اشتكى له بالمعونه يواسيه
نبع الحنان ومخلص الحب وافي
كل العرب تغليه وتحب طاريه
زاره جموع تحمل الود صافي
تبارك الله خير ربي يباريه
سلطان رمزٍ للتقى والعفافي
شيخ حكيم ساميات مباديه
محبوب خيره واصل الشعب رافي
يا الواحد الرحمن نغليه نغليه
ارعاه يا اللي عالم بكل خافي
"مدارات شعبية"