الموت يا ما راس حي ٍّ غدا به
يختار بأصحاب الوجيه الطليقه
من حاول المهراب شده وجابه
يا ما فرق بين الشقيق وشقيقه
لولاه حقٍ كان أشنّ الحرابه
آخذ سلاحي واعترض في طريقه
أقول خله جنبه وإيش تبي به
تلقى من الرديان في ها الخليقه
جار عزيز وخيِّر يقتدى به
فيه الشهامة من شبابه عميقه
يا جاري اللي مات لو أسفا به
علاقته بأبوي قبلي وثيقه
مات الجميح اللي بصدره رحابه
ما هوب ضحضاحٍ يغرك بريقه
يا رب وسع قبره اللي هوى به
واسقه من الكوثر وصافي رحيقه
الحور من حوله تسحب ثيابه
من كل لون وكل حورٍ رشيقه
يا اللي سمكت العرش خفف حسابه
لعل روحه من عذابك عتيقه
أطلب من المولى أو من طاف بابه
تلم شمل العائله بحق وحقيقه
"الرأي"