سلامات يا وجه السعد طيب الجدان
ولد من حمى شبه الجزيرة على خيله
حكمها بسيفٍ لمعته كنه الغدران
بهاك الزمان اللي قليله محاصيله
بهاك الزمان اللي لهيبه تقل بركان
تصافق بها لأرياء وتلحق مشاعيله
حكمها بعدما طال وقته على شقران
بعيد النظر روس المعالي مقاييله
وأسس قواعدها على منهج القرآن
وجميع الجهل زاله وصفى عراقيله
عسى جنة الفردوس يسكن بها مسكان
عساه بجوار المصطفى في منازيله
سلامات واكرر سلامي على سلطان
عسى ما حصل يطهر الذنب ويزيله
وأهني جميع الشعب وابشر الصدقان
بعدما سمعنا بالإذاعة مراسيله
تباشر بها الجهال والركع الشيبان
كلّ على التلفاز بالسمع يصغي له
عسى الشر عنك بعيد يا منقذ المرضان
أنقذت المريض اللي تدانت مراحيله
بعد وقته اللي فات من علته بريان
على طول عمره بالصلوات يدعي له
وغيثٍ على شعبه مثل هاتف الودان
على وادي عامين مخطي مخاييله
الى علها عقب المحل تخضر الريضان
أسبوعين من نوة تدارج مساييله
على من شكاله من ظروف الدهر بلشان
تواصيفنا باللي ذكرنا يحالي له
صديقٍ مع الصدقان ويعادي العدوان
عدوه يضيق به الفضا ما رقد ليله
الى هاجت الهيجاء وكلّ عليها بان
صناديد بالميدان تشهر مفاعيله
"مدارات شعبية"