يا سيدي ورد وشذا مسك وزهور
باجمل تهاني لك من القلب مهداه
نهدي عليك اجمل تهاني من شعور
ياللي له البيضا وطيبه عرفناه
الله يديمك في لياليك مسرور
والله يجعل لك من الباس مذراه
سلطان يا وجه السعد صايب الشور
سلطان ياللي ما تحلى حلاياه
لو جيت ابا امدح يظهر بقافي قصور
سلطان ما تحصي القصايد مزاياه
ما قصدي امدح فيه والعلم منشور
هو راعي الطولات والمدح يزهاه
جيت اكتب احلى تهنئة والف ماجور
لا باس يا بحر الندى عز من جاه
لا باس واكتبها من القلب بسطور
للي يحبه كل مخلص ويهواه
هو ذخرنا اللي للملازيم مذخور
يارب تحفظ صحته له وترعاه
اليا ابتسم سلطان في بسمته نور
تنور على كل الوطن من محياه
"مدارات شعبية"