سلطان سلطان الفخر والمهابه
اسمه يفوق المدح ويفوق الألقاب
امير ولد امير ما له مشابه
من آل السعود ازكى القبايل بالانساب
بالطيب والمعروف كل حكايه
ذكره طلع بين المعارف والاجناب
شيد صروح المجد وأعلى قبابه
في كل ساحات الميادين ما غاب
قدره على القمه رقى وارتقابه
بافعاله اللي ما لها عد وحساب
طيبه على نيل المكارم حدا به
تلقاه دايم لنواميس كساب
حاز الخصال الوافيه في رحابه
في كل وقفات المواجيب ما غاب
تجمعت له جاه واصل ونجابه
مال الكرامه والفخر عنه مجناب
يخضر على دربه مكانٍ وطابه
ويزرع ثمار الخير في كل مرقاب
ياقف مع اللي من زمانه لجابه
ويناصر المظلوم ويفك الارقاب
خيره على القاصين وادنى القرابه
لله دره كم جبر خاطر وطاب
في مجلسه لاجيت تلقى رحابه
يرتاح بالك قبل تدخل مع الباب
تلقى العلوم الغانمه كلها به
ما فيه لا حاسد ولا فيه كذاب
فيه ازرق الدخان غطى ضبابه
مختار من أزكى الروايح والأطياب
فيه الصواني حق للي لفابه
وفيه الدلال الصفر بيدين صباب
وفي وجه من ينصاه ما صك بابه
ما خاب من جا يقصد حماه ما خاب
حر على الطالات مفني شبابه
عسى الولي ياقاه من شر الأسباب
عسى الولي يشفيه من كل ما به
يشفيه رب البيت من دون الاطباب
ويفرح بشوفه لا تعافى جنابه
جميع سكان الوطن حضر واعراب
وصلاة ربي عد ماه وسرابه
على النبي المصطفى سيد الاحباب
واعداد حبات الحصى مع ترابه
واعداد ماجا البيت ساعي وطلاب
"مدارات شعبية"