أسعد نبأ.. عبر الإذاعة يذاعي
واسعد خبر شفته بصدر الجريده
نبأ.. شفاء من كان للخير راعي
يرعاه من يرعى بعينه عبيده
يالله يا مجيب لدعاء كل داعي
تحفظ لنا راع الصفات الحميده
سلطان ابن عبد العزيز الشجاعي
ابن الشجاع الليث حام العقيده
وزير فيه الخير للخير ساعي
بوافر الصحه عسى الله يزيده
أبو اليتامى والضعوف الجياعي
كم نفس من مدة يده مستفيده
من طيب أبو خالد وزير الدفاعي
نلبس من الفرحه ثيابٍ جديده
ومن الفرح غنت طيور المراعي
وحتى غصون الورد ترقص سعيده
وغنت من الفرحه وحوش السباعي
تجاوبت باصوات عذبه فريده
لاجلك يابو خالد حميد المساعي
تعبير عن صادق محبه اكيده
محبةٍ باخلاص ما هي خداعي
تجري مجار الدم داخل وريده
لك يا كريم النفس زين الطباعي
تشرح حقايقها بيوت القصيده
"مدارات شعبية"