على العهد يا بنت ولا نسيتي
حب مضالك في خفوقي بنيتية
غبتي وما كنك لقلبي هويتي
هذي ثلاث شهور قلبي هجرتية
مدري خذاك الوقت فيه التهيتي
ولا هوايه من حياتك محيتية
إن كانها الاقدار وانتي رضيتي
فانا بعد راضي نصيبٍ رضيتية
وان كان غيري في حياتك لقيتي
الله يسهل لك طريقٍ نويتية
ليتك عن أسباب القطيعة حكيتي
وأعرف سبايب هجرك اللي فرضتية
قولي الصراحة وحكي اللي نويتي
على العهد يا بنت ولا نسيتية
