ليه الهجر يا عزوتي ويش سويت
أطلب وصالك وأنت عني تصدي
ياما سهرت الليل لجلك وناديت
باسمك ودمعي سايلٍ فوق خدي
هذا جزاي إني لوصلك تمنيت
ما كنت أحسبك يوم تاقف لضدي
وأنت الذي من بدت الناس حبيت
ودي تحس بلهفة الشوق ودي..
عمرك ما يوم بلهفة الشوق حسيت
كنك تقول الناس ما هم بقدي!
وأنك على أحبابك كبرت وتناسيت
كل المتاعب.. والعنا.. والتحدي
يمكن جهلت ومرة بحقك أخطيت
بس العذر ما كان هذا بيدي
يا ليتني بالحب لك ما تعنيت
ويا لتني لك ما تعديت حدي
خلاص أنا بنساك مليت.. مليت
الله حسيبك يوم بيحت سدي
