زيدوا طغى ونزيد حب وتماسك
الضلع ما يدميه كثر العواصيف
يا من على الكذبات تبني حماسك
ربي كشف ما كان زور وتسويف
يا قابع بقصور لندن بكأسك
وثوب الجهاد اللي لبسته بتزييف
حنا كشفنا ويش يخفي لباسك
وأيضا عرفنا مفصله دون تعريف
نيتك بانت يوم زاد التماسك
ريحة نواياك الرديه كما الجيف
مهما غسلت أفكار ربعك وناسك
حنا ننشف ريق الإرهاب تنشيف
ومهما بكفر صهيون يزداد باسك
حنا مع الإسلام فوق المشاريف
يا حاملٍ ضد المسلمين فأسك
لا تحسب انك زدتنا اليوم تخويف
حنا سعوديين نشفي عما سك
عن ديننا وبلادنا الموت تشريف
عز نعيشه يا أسود الوجه داسك
وان مدتك صهيون بأغلا المصاريف
ويبلادنا لك بوستينن براسك
بر.. وعهد.. نحميك وقت الصواديف
مهما طغوا نزداد حب وتماسك
والضلع ما يدميه كثر العواصيف
