أنا أحمد اللي يا كحيلان عافاك
أنا أحمد حمدٍ يليق بجلاله
حمدٍ يردد من على أرض دنياك
بسلامة اللي كل شعبه عياله
سلطان سلطان السعد لا عدمناك
أنا اشهد انك عز من هو عناله
يا سيّدي جعل المنايا تعداك
يا عزنا في كل وقتٍ وحاله
يا سيّدي من هيبتك هابت أعداك
هابت وحالتهم على سوء حاله
يا أخو فهد دايم على الطيب مبداك
ما فيه طيب إلا وسلطان ناله
ويا خو فهد يا طلق والله محياك
دايم حجاجك طلق للي لفاله
ومن مثل أبو خالد على صعب الأفلاك
منهو بهذا الكون مثله وجاله
ويا سيّدي يا كثر ما تنفق ايداك
تبي جزاها من إلهٍ الحاله
سبحان خلاقك على الطيب قداك
فيك الشجاعة والكرام والعداله
ويا لله يا اللي تسجد الناس لرضاك
تحفظ لنا سلطان وتريح باله
اقبل دعانا يا إلهٍ عبدناك
اقبل دعانا يا إلهٍ نساله
وصلاة ربي عد ما ينبت الراك
على نبين حمله بالرساله
