يا سيدي ماجور مما حدث فيك
شفاك من نزّل تبارك والأنعام
اللي كشف ضره عن أيوب يكفيك
وياقاك عن شر الليالي والأيام
نتابع أخبارك ولا حدٍ بناسيك
عبر الإذاعة والجرايد والاقلام
بقلوبنا دايم على البال طاريك
من جوادك اللي بالوفاء ضافي عام
أهني الشعب السعودي وأهنيك
بسلامتك يابو الأرامل والأيتام
ياللي على شعبك كثيره حسانيك
تعطي وتنفق والنظر منك قدام
كم واحدٍ جالك من البعد ناصيك
لجاك من ميلات الأيام منضام
تفك عنه الضيق يامير تفكيك
بتوفيق ربٍ للخفيات علام
الطيب كله والوفاء من مواريك
وكفك ندي فيه المكارم والإكرام
ياميرنا بالطيب ماحدٍ مساويك
دايم وجودك بالمهمات جزام
ولا العدا صعب عليها تلاقيك
شرٍ على وجه المعادين لطام
حر ومن ضربات كفك وأياديك
من ناشته يا سيدي طاح ما قام
الله يمدك في حياتك ويبقيك
ويطيل في عمرك لنا أعوام وأعوام
إلك الولاء منا ولا فيه تشكيك
قولي على فعل ما هو كذب ووهام
نفدا الوطن وملوكنا ونت نفديك
خدامكم والكل خدام الإسلام
