سلامات يا وجه السعد سيدي سلطان
سلامات يا ريف الوطن خصم عدوانه
سلامات ما وندق رعد وارخت الأمزان
وما لاح برق وحن الإنسان لوطانه
سلامات ما تكتب رساله على عنوان
وما فز قلب اليا سمع صوت خلانه
خطتك السهوم وجارك الله عن الأحزان
سلامات من شعبٍ وجودك بشريانه
يحبك غلا واللي يحبك ما هو غلطان
يا ريف الوحيد اللي شكى الوقت وأحزانه
سلامتك عمت بالفرح ساير الأوطان
كلّ دعالك رافع يديه وأعيانه
دعا في صلاته يطلب الواحد المنان
من القلب يدعي تسمع الصدق بلسانه
ولا حدٍ يلوم إنسان صادق غلا لانسان
بذل كل جهده للوطن طيلة ازمانه
عطا كل ما يملك ولا يحسب النقصان
عسى الله يجازي راع الإحسان باحسانه
وسيفٍ ليامن الوغى بالمعارك حان
تحيزم بقلبٍ ما تزعزع عن اركانه
كلامِ عليه شهود وأفعال مع برهان
ومن لا يقول الصدق دعواه خسرانه
وصوفك تفوق الشعر والنثر مهما كان
وهذا عزا اللي قصر الوصف باوزانه
صراحه غلاك أكبر من الوصف ياسلطان
يفوق الخيال واقع الشعر وألحانه
أي والله نحبك يابو خالد من الوجدان
وهذا غلا من خالق الكون سبحانه
