عساك من كل الشرور متعافي
ياللي على ماله يعيشون الايتام
تعالج المرضى وتعطي الضعافي
أخذت في فعل السخى تاج ووسام
يا حاتمي بالمواجيب وافي
وافي على طول الليالي والايام
يضحك حجاجك وأبيض الوجه صافي
ليا جاك معدوم من الوقت منضام
سلطان أبو خالد كريم سنافي
صعب يجي مثله على الارض حكام
وليا جاء نهار ما ذكر به عوافي
دون الوطن للحرب ركزن الإعلام
سلطان في صعب المواقف يشافي
ليا وقف قدمه عدوٍ للإسلام
دونه فعول الجود تطمن هوافي
وسلطان لاعلاها تعلاّ بالاقدام
سلطان في فعله تعجز القوافي
لو يقدر الشاعر يعجزن الاقلام
لكن لعله بالحياة متعافي
ويطلع سليم سالم ما به أوهام
وصلو على اللي ما نزل فيه كافي
نبي الأمة كلها عرب واعجام
