ما بالقلوب اللي طعنتوا غنيمه
من قبلكم يفخر بها من طعنها
القلب تكفيه الجروح القديمه
نامت على قلب الشقا واحتضنها
ما عاد لجروحٍ تجي منك قيمه
ما دام قلبي ما شكا الضيم منها
حاول وتلقى روح مثلك يتيمه
ما همها تبقى أو تروح عنها
لو كنت من ضمن القلوب السليمه
استعجلوا أهل القلوب بكفنها
تقفي وترجيني ونفسي رحيمه
وتقفي ونفسي باقيه في وطنها
وترجع بدمع الذكريات الأليمه
خلاص فات الوقت قلبي دفنها
