لا هنت يا متوج صدر جزل الامثال
بأصدق مشاعر تحتويها قصيده
ماهو طرب.. غنيت من ضيقة البال
يدفعك دين.. وطيب راس.. وعقيده
وقفة وفاء في كل حال من الأحوال
عليك يا فيحان ما هي جديده
يا راس مال مدورت روس الأموال
لك مثلها وقفات.. ما هي وحيده
عزيت حرب بطيّب الجد.. والخال
اللي من الدنيا طوى الموت قيده
ووجزت في حكمة عقل.. يابن الأبطال
عن وصف ميزات الفقيد العديده
باللي علينا حقها فال.. وعقال
وروعة عمل جوهر جسدها تجيده
خلتني اجاريك.. واجر موال
من ضيقةٍ حروة فرجها بعيده
عقب اليقين.. اللي قطع كل الآمال
واللحظه اللي واقعتها شديده
شيبان.. صاروا وقتها مثل الأطفال
كلٍ يغص بعبرته في وريده
هذا الغياب اللي لا منه حصل.. طال
ويذوب منه القلب لو هو حديده
ارفع كفوفي معك الله واسأل
اللي ينفذ ما يشاه ويريده
يجعل لحد قبره بساتين واظلال
ويحييه بالجنه حياةٍ سعيده
