يا ماحلا شيخة ابن آدم على روحه
يمشي عزيز ورزقه عند خلاقه
ما يمشي إلا على شفه ومصلوحه
والله كريم لخلقه كثر ارزاقه
ابواب رزقه لكل الناس مفتوحه
ما ينحرم كون منهو قلت أوفاقه
من كان نفسه برزق الناس مشفوحه
ترخص حياته بطعم الهون لاذاقه
يا نفس عفي ترى منتيب مسموحه
عفي من اللي يهينك واحمي الساقه
عندي ترى زلتك ما هيب مدموحه
لو يعترض لك بعض الأشياء على فاقه
إن ما صلح لك مكان الأرض مفسوحه
وأن ما صلح لك رفيقٍ طبك أفراقه
واليا تبعتي ادروب العز مبيوحه
باجزاك باللي على لاماه مشتاقه
رفقه هل الخير واللي غيره اسموحه
حلفت ما جني عليك برفقه العاقه
يا نفس هذا هدف قلبي وذا نوحه
هو شفي اللي عشقته لاجلك اعشاقه
