خبر سلامة سيدي وافي الاشبار
تباشروا به ساكنين الجزيرة
تباشروا شعبه من كبار وصغار
بسلامة الوافي عسى الله يجيره
وقامت تناقلها محطات الأخبار
الفرحة اللي في وطنا كبيره
فرحة سلامة من بحزات الأخطار
مقدام جيش يفخر انه وزيره
حرٍ تفاخر به مشاهير الأحرار
اللي لهم بالمجد معنى وسيره
له المشاعر بالفرح ترسم اشعار
وعسى القصيد يجيد فيه تعبيره
تعبير صادق بالوفا سره جهار
منا لشيخٍ عم فضله وخيره
سلطان سلطان المواقف إليا صار
الأمر حاسم والليالي خطيره
ياقف مواقيف السلاطين الأخيار
أهل المواقف والفعول الشهيره
بين العرب فعايله كارها كار
سلطان خير وكل خير بمسيره
للشعب غيث وللوطن مخلصٍ بار
ومن العقيدة فيه للدين غيره
وللعدل نبراسٍ وللشر دحار
في طاعة اللي عالم بالسريره
