الحمد لله محيي كل الأمواتي
علاّم ما فاتنا واللي يبي ياتي
والشكر له والثنا في كل الأيامي
أقولها ساجدٍ جملة صلواتي
ربٍ شفا سيدي سلطان وافرحنا
له الشكر والثنا في كل الأوقاتي
فرحت والشعب كله يعلن افراحه
لحظة سلم سيدي جادت عباراتي
إي والله افرح ولالي لايم وشاني
ما دام حبي لسلطان البطولاتي
سلطان احبه ولاني يوم متخفي
واعلن بحبه بتلفاز واذاعاتي
والله والله لو هو يطلب عيوني
والدم والروح لابذلهن بلحظاتي
وراي ما اخلص لشهم في الملا عدّا
بكل المفاخر على كل البناياتي
وش صار من جود ما هو فيه ياناسي
هاتوا وصف جود ماله فيه بصماتي
مخافة الله وبذل المال للثكلا
وتواضعٍ جم ووسام وشهاداتي
على المروءة ودحر الخصم لازامي
وكسب الفضايل ونبذ الكبر والعاتي
سلطان بالخير فعله واسمه منادي
من جود فعله يجيره محيي الأمواتي
ما تحصي الناس ربع أفعال خيراته
يتبع حسناته الكبرى حسناتي
غيثٍ على المملكة من حيث ما وجّه
يدري به الخاص هو والعام باثباتي
كم هو يعالج وكم عالج من العالم
تشهد فواتيرهم وأيضاً الكشوفاتي
وللصحة انشأ خدمات للإنساني
ماله وجهده مع المنعاق بالذاتي
يشري كراسي وسيارات ممتازة
ما يختشي فقر ما يحسب لما فاتي
ومؤسساته لفعل الخير مشهوره
بنوا وكم أسرةٍ تسكن عماراتي
وكم من فقيرٍ جلس بالسجن مديوني
ينخا ولا أحدٍ سمع زجّه للأصواتي
وسلطان لحظة سمع فرّج لكرباته
يخفيه لربه ما يقصد به دعاياتي
وبنا المساجد بشرق وغرب مملكته
وشمالها والجنوب وحفظ الآياتي
واليوم ابا اطلب وقولوا معي يا ربي
آمين يا خالقي تقبل دعواتي
تعز سلطان بالأولى وبالأخرى
معزةٍ منك يا رحمن له جاتي
وفي يوم نصب الموازين ومراقبها
ترجح موازين سلطان المروءاتي
وانه بيمناه يهنا الشهم بكتابه
وبجنة الخلد يلقى كل فرحاتي
