يالله يا قابل صلاة المؤمنين الخاشعين
يا عالم غيب القدر ياللي بوجهك نستجير
يالله يا مراسل جميع الأنبياء والمرسلين
خلقتنا من طين وأنت اللي على ذلك قدير
احفظ وطنا من بلا كيد العصاة الحاقدين
الجاهلين الخايبين اللي بلا قلب وضمير
يا مدعين الدين وأنتم تذبحون الساجدين
وضر العيون الساهرات اللي على طاعة وخير
ياهيه وش ذنب العباد الغافلين المؤمنين
اللي تموت بغير حق أولهم الطفل الصغير
وش عندكم غير الجهل والغدر يا متخلفين
وش عندكم غير اتباع ابليس والشر الشرير
ما قول غير الله حسيبي عالم مالا يبين
أسجد لوجهه وأطلبه وأدعوه في الثلث الأخير
وحنا فدى هذا الوطن نمشي على تقوى ودين
دارٍ نعيش أبها ودارٍ في مناكبها نسير
