سميت باسم اللي خلق جن وإنسان
ربٍ نصر موسى على جنود فرعون
سبحانه اللي عالم كل ما كان
مبطل نوايا اللي على الجرم يسعون
ناسٍ تحط اللغم في وسط قرآن
ما من وراهم فود لوهم يصلون
وش ذنب هالاطفال وش ذنب وجدان؟
طفلة وماتت والسبب ما يسوون
وش ذنب من خلا عقب مات يتمان؟
وأمه وأبوه من القهر كم يعانون
وش ذنب جندي مات ما هوب غلطان؟
حقه قتل قالوا بلا علم يفتون
ما فيه ما يثبت ولا فيه برهان
كل عرف ما كان خافي ومكنون
افعالهم ذنب عليهم وخسران
وقلوبهم سوداء بها الحقد مدفون
فيهم جهل صاروا على الشعب نقصان
وما نعترف باللي على الغدر يمشون
ناقف نرد الظلم بالعزم وإيمان
دون الوطن ما نقبل الذل والهون
وندعي على الطاغي من القلب وألسان
ومن خالف الوالي حشا ما منه عون
حسبي عليهم عد همال الأمزان
وعداد طيرٍ طار واللي يحجون
