مجدك سحاب ووابلك عشق واحباب
وانسام بيدك يا وطنّا حرايب
والسيرة البيضاء على الطيب تنساب
مثل الجزْر لا امتد.. عقب الهبايب!
قالوا: وطن..قلت: الوطن سيف وحراب
دونه ظما قلوبٍ تفك النشايب
أرضه سما.. طِيبه هَمَا! حب واعجاب
والقلب في عشقه له.. سنين ذايب
حنّا نموت بها الوطن! دونه ارقاب
يوم الليال العوج.. نهب وطلايب
والزمره.. اللي يحسبون الوطن غاب!
هم ما دروا دونه رجال وسحايب
رعّاد عزك يا وطن.. ركّز أطناب
في وجه من راحت حياته.. نهايب!
والبارق اللي نوه اليوم سكّاب
من فضل ربي.. ما حسب للخرايب
مجدك سحاب ووابلك عشق واحباب
وانسام بيدك يا وطنّا حرايب
