بلادنا في حمى الرحمن محمية
من حاول الكيد فيها ما يزعزعها
دار على كلمة التوحيد مبنية
مهد الرسالة ومنبرها ومنبعها
عشنا بعهد الفهد نهضة حضارية
زيزوم طاعت له الصعبة وطوعها
يناصر اللي لدينه يخلص النية
واهل النوايا بحكم الشرع يردعها
سيف العدل يقطع يدين الحرامية
وروسٍ يفرخ بها الارهاب يقلعها
دامت لياليه فخرٍ للسعودية
ودامت رجالٍ على طبعه طبايعها
مثل ابو متعب ولي العهد يا حية
الجود والعرف والحكمة مجمعها
وسلطان راع اللزوم ان كبرت الهية
يمناه ينبع نداها بين أصابعها
ونايف وزير الأمن للأمن من زيه
بالسيف الأملح يدين الغدر يقطعها
بحماهم الدار مامونة ومحمية
خلايا الارهاب ما تقدر تزعزعها
