بسم الله اللي فارضٍ خمس الاركان
اللي لبيته كل عامٍ يحجون
وبسم الله اللي خالق الانس والجان
اللي نصر موسى على قوم فرعون
وبسم الله اللي عزنا عالي الشان
أبدأ قصيدي واكثر الخلق يدرون
هذا الوطن ما فيه مثله بالاوطان
ديرة هل التوحيد وبليس ملعون
هذا الوطن دايم للامجاد عنوان
المجد بترابه مولع ومفتون
وحنا دروع الدار في كل ميدان
منا الولاء والعهد صادق ومضمون
باصواتنا تسمع تراتيل قرآن
والامن بذممنا عن الشر مصيون
ارهابهم واضح ضعيفين الايمان
الدين مامن دين والفكر مجنون
الله يحفظ الدار ويعيش بامان
من شلة التخريب واللي يحقدون
في ظل ابو فيصل سلايل كحيلان
الدار يابن الدار أمن ومامون
حكامنا آل سعود ذربين الايمان
اخوان نوره بالوفاء دوم يوفون
حكامنا الوافين للعدل ميزان
في حكم شرع الله مهو حكم قانون
