حنا هل العادات وأهل الزعامه
حنا لبسنا ملبس العز تيجان
حنا هلال المجد فخر وكرامه
شيخ العرب سموه باسمه كحيلان
يحيا الزعيم ومن توشح زمامه
اللي يقوده للبطولات نشوان
هذاك أبو محمد صليب حسامه
من مدرسة شيخ الحلاحيل شقران
تحيا النجوم اللي تعلت سنامه
جن الملاعب بالميادين فرسان
أمجاد الأزرق سطروها النشامه
تاريخهم دايم على الصدر نيشان
ويحيا لنا نجم رفيع مقامه
نجم النجوم وصانع الفوز قيدان
فن ومهاره قاتلات سهامه
يبدع ولا يذخر علينا بنقصان
هلالنا لي صال تعبت خصامه
من واجهه نادم ويتم خسران
ياللي شغلت الناس فنك علامه
المجد يزهى بك وللعز عنوان
ذوق وأدب واخلاق كله شهامه
كبير يا هلالي وباللعب سلطان
