نستنكر التفجير في عاصمتنا
نستنكره ونقول يا فاعلينه
حنا سعوديين عشنا أو متنا
على وطنا ما حملنا الضغينة
هاذيه الأفكار من وين جتنا
من جابها لا طول الله سنينه
من دخل الإرهاب في مملكتنا
غبينة يا كبرها من غبينة
حسن النوايا والثقة مشكلتنا
وثقة بكل الناس ما هي بزينة
وحسبي عليكم زمرة فشلتنا
يقولون باسم الدين والدين وينه
الدين منزل عندنا وبلغتنا
في بلادنا مكة وفيها المدينة
وعلى فعول الشرذمة لو سكتنا
أكيد زودنا على البله طينه
وكمسلمين المشكلة محرجتنا
وأقل ما نقول فطه مشينة
ولو جيتها بالعقل وش فايدتنا
أحد يقول يحط سهمه بعينه
المملكة في حضنها حاضنتنا
بايدي رجال قايدين السفينة
فيها تربينا ويا ما عطتنا
واللي بيرهبها قطعنا يمينه
والله يحسن بالعمل خاتمتنا
واللي يقول الصدق ربك يعينه
