كلّنا للأمن خدّام في وقت اللزوم
كلّنا دون الوطن رجل أمن صف جميع
الوطن ما هو بسلعه يجيها من يسوم
الوطن نحميه بالسيف والقلب الشجيع
الوطن محمي وبالعدل والشرع محكوم
الوطن دونه زحازيح لا يمكن يضيع
كل من حاول يهز الوطن راح مهزوم
دونه رجالٍ للأرواح لعيونه تبيع
ما يدوم اللي يحارب بلدنا ما يدوم
لو يعاند لا وصلناه بإذن الله يطيع
واقعٍ ما هوب يشبه لعشَّاق الحلوم
عالم التخريب والحقد منكرة الصنيع
النوايا تنكشف لا وصلت لمس الخشوم
رافعين الروس بالعز للواقع نذيع
ما علينا كلّنا للوطن وقت اللّزوم
كلّنا دون الوطن رجل أمن صف جميع
