عساك يا شمس الوطن ما تغيبين
يا للي شعاعك في سنا الكون بادي
والله ما ترتاح في نومها العين
وعلى ثراك يعيش راع الفسادي
اللي مشي عكس السنن والقوانين
جازاك بالنكران عقب الهدادي
ناس تقول عقولها رايحه وين
صار الوطن وارض الوطن شي عادي
ماشين في عكس الشريعه وراضين
بعقولهم منكوس فهم الجهادي
صارت فعايلهم فعايل شياطين
يوم استباحوا للمصايب بلادي
صاروا على دار حوتهم عدوين
غادين واللي رسخ الفكر غادي
حنا هل العوجا كعام المعادين
ليا صار بالدعوى بياض وسوادي
دايم على اللي يقطع الدرب قاسين
وان ما عتدل عليه سو الهجادي
دار نشت منهاجها منهج الدين
ما يهزها بالوقت فعل الأعادي
ويامير حنا بكل حال وفيين
يا نايف اللي كل علمه وكادي
ابشر بما يرضيك ويهدي البين
دون الوطن جيناك حضر وبوادي
وش عاد لو قالوا كتايب حرمين
ذولا بوادي والحقيقه بوادي
وياشمس ياشمس الوطن ما تغيبين
ما دام من دونك يصيح المنادي
