فجِّر حياتك... يا عدو العقيده
فجِّر! محاصيلك من الحقد خسران
حب الوطن فينا تفجرَّ مزيده
وعزومنا.. تقوى على كل طغيان
ودم الوطن حنا نضخ بوريده
واللي يساومنا على الحب.. غلطان
حنا فهد حنا أبو متعب عضيده
حنا أبو خالد.. قايد الجو سلطان
وحنا رجال الأمن (نايف) عميده
حنا الرياض وثومة القلب سلمان
وحنا حماة الدين.. وانّا بريده
والنا سماحة دين الاسلام.. عنوان
يا بو حمد يا خوي جيتك قصيده
انثر شعوري لك.. ولكل الاخوان
محمد وخالد واصدق الحرف سيده
أنتم غلاي وسلوة الروح برهان
ما ارخص بكم إلا لذيك الفريده
المملكة.. جندٍ.. على كل خوّان
درع من دروع الحبيبة يزيده
وقت الشدايد.. قوةٍ شانها شان
يا بوحمد يا مسندي يا لوليده
أدري بكم وافخر بكم سر واعلان
نار بقلبي.. كل حرفٍ تقيده
تعلن (ولا) مشاعر لسيد الاوطان
كل ما انفجر بيد الارهابي (حديده)
تفجَّرتْ كل الأحاسيس.. بركان
