يا معذبي لاتذكرني.. تناسيتك
ماعدت ذاك الذي يستدعي الهامي
ياما تحملتك.. وياما تفاديتك
وياما خسرت لرضاك ليال وايامي
احسبك قدر الغلا يوم اني اغليتك
وظنيت انا.. انك تقدر حبي السامي
اسكنتك القلب.. صار بمنزلة بيتك
وأتعبت في مدحك وتوصيفك أقلامي
ومن بعد ذا خنتني يوم اني اوفيتك
وارخصت حب مضى له عدة اعوامي
اليوم لا تعتذر يا زين.. خليتك
با انسى الذي راح واناظر لقدامي
خلاص مليت اعذارك ومليتك
ارحل وخل بخفوقي جرحك الدامي
اكبر خطا في حياتي يوم حبيتك
وآخر قرار اطردك من عالم احلامي
