يا الله يا قابل صلاة المصلين
اجبر عزانا بالمصاب الجليله
في شيخنا اللي من شيوخ مسمين
عوق الخصيم وحرز كل القبيله
تشهد له الاجناب قبل الموالين
هو صاحب التقوى وباعه طويله
يا عل مسكانه بطوبى وعلين
بروضة الفردوس ظل ظليله
كم رد من حق خذوه المظلين
ويخلي المضهود يبرد غليله
حايز على الدنيا وحايز على الدين
ولشيخنا والله فعولٍ جليله
لكن حنا بحكم الإله راضين
يعوضنا اللي كلنا نلتجي له
يا قل من مثله بجيله وهالحين
نجم طلع ما ظن يوجد مثيله
اوصيك يا قاري كتاب الجلالين
تلقى الإجابة كافيه مستطيله
تلقى علامة شيخنا شارة الدين
ومناجي مولاه في كل ليله
وبمجلسه تلقى الرجال الحشيمين
ومنارة المسجد منيفه طويله
يا كثر من جوله من البعد ناصين
كلت محايلهم ولا فيه حيله
وقام بقضاياهم وصل السلاطين
ويحل دعواهم ولو هي ثقيله
ويقول قايلهم ثنايا المثانين
الله يمتعك بحياة طويله
وحنا عزانا بالشيوخ الميامين
لطامة العايل ركون القبيله
من دون واجبهم كما الضلع قاسين
نطاحة الواجب واهل للجميله
وبوجود أبو خالد زبون المخلين
واخوانه اعوانه سيوف صقيله
شيوخنا اللي من قديمٍ وهالحين
مثل الجبال النايفات الطويله
وحنا قبيلة عوف قضاية الدين
من دون واجبنا تقوم القبيله
وصلاة ربي عد من جو ملبين
على النبي اللي صلاته نفيله
صايغ بن حيا بن شميلان العوفي
