حنا علمنا ما ينكس للأموات
ولنهاية العالم علمنا علمنا
حنا علمنا رمز كل البطولات
وأشرف علم في الكون منا ومنا
وحنا علمنا يرتفع للسماوات
ويرفع علمنا فهدنا اللي حكمنا
وحنا لنا ذمة وشيمة وعادات
وإن جات للقومه سوى صف قمنا
وحنا لنا في المجد وقفه وصولات
وحكامنا آل سعود فينا ومنا
حكامنا حد السيوف الصقيلات
غصب على التاريخ من غير منا
حكامنا آل سعود فزعة وهقوات
ومن فعلهم كل الديار احشمنا
يارب تنصرهم على كل شمات
وتصخر الهم عربنا مع عجمنا
وحنا وطنا فيه لذة وخيرات
وتأمن به العالم وحنا ومنا
أرض البيوت الطاهرة والمنارات
والمسلم اللي يحترمها احترمنا
أرض الهداية مهد ختم الرسالات
أعطت ونوفيها العطاء ما عدمنا
ولا يجحد المعروف راع المروات
واللي جحد معروفنا ما هزمنا
تاريخنا أبيض بين كل السجلات
والله مكرمنا وصنا كرمنا
من ساحل اليابان لين الولايات
يا ما عطيناهم وأبد ما ندمنا
ومعروفنا في بطن الأحياء والأموات
وانقذهم من الجوع ضافي نعمنا
والحمد لله ما علينا ملامات
حنا على كبد السماء قد بصمنا
