بسم الذي نزّل تبارك والانفال
أبدا بذكره واطلبه واستعينه
ربي عظيم الشان في كل الأحوال
الواحد الفرد الصمد عابدينه
هذي هي الدنيا نزول وترحال
والموت حق وكلنا ذايقينه
مرحوم يا شيخ دفناه بالجال
في يوم من شهر الحرم دافنينه
ياعنك ما هو للحكي كان شيال
دايم كتاب الله تشيله يمينه
صوم وصلاة وحج للخير فعال
يخاف ربه مخلصٍ في كنينه
راع الكرم والجود والحق ينقال
فيه الخصال الوافيه والثمينه
عساه بالجنة ومنزله بالعال
في جنة الفردوس ينعم جبينه
يا جعل قبرٍ يسكنه دوم سيال
ويا جعل منزاله بروضٍ جنينه
قلته وأنا أدري ما بها شك وجدال
طريق حق وكلنا عابرينه
