ياهلا باللي يفز القلب لاجله من مكانه
يرتجف فرحه وخوف ويبرد الدم في وريده
ياالصباح اللي تجدل بالليالي خيزرانه
واختنق فيه النظر لابعثرته انوار جيده
يا الهيام اللي جذبني وانتحى قلبي عنانه
تبيس عروقي وتروى به وصار الامر بيده
اقبل بطرف يعنه للهوى وارخى عنانه
ينتهك سور القلب وتبطي جروحه جديده
سدل اطوال القنا فوق النفل والقحويانه
افترشها لين مسى ليله الداجي جليده
الله اللي خالق له وردتين في وجانه
والله اللي حط له وسط العرب صوره فريده
ما اعذبه تقطف من السكر سواليفه لسانه
لو يقولون العسل من شفته ماهي بعيده
قالت عيونه ذبحتك قالت عيون امانه
مادرت بان الجروح العام بالنظره شهيده
ابتداني نظرة والعقل يجمح به جنانه
وابتديته بيت شعر اقراه في عمري واعيده
يا الهوى اللي في عروقي يابعد ضحكة ديانه
والله انك وسط قلبي ثم والله الوحيده
هاك بيتين كتبها شاعر لخبط كيانه
رمش عينك كل ماطرق على المجنون كيده
واعذريني كان انا قصرت ولا يافلانه
اتمنى رضاك واتمنى لك ايام سعيده
