أنا ما عاد لي هرج معك يا صاحبي ينقال
قضى هرجي وأنا اردد (حبيبي لا تخليني)
مادام انك عصيت امري هنالك صاحبٍ يحتال
ابا اقلب وضعي الحالي وأخليك انت ترجيني
ابا افعل زي ما تفعل عشان تذوق سقم الحال
واذا جاك الخطأ مني تسامني وتعفيني
ابيك تجرب عنادي ترى عنادي عناد رجال
وترى لي خافق يقسا رغم ما جاك من ليني
ابا ارجع للذي فاقد من الراحة وطول البال
واحمد الله على فضله واقول الله يعافيني
فقدنا رفعة الرأس وفقدنا شيمة الرجال
وحان اليوم ارجعهن على ما كان خافيني
دخلت الحب مع بابه وصعب اطلع مع المدخال
ابا امشي لين ياقف بي طريق او تاقف سنيني
وقلبي فاتحه لايا بشر يحتاج هالمنوال
واذا خلي يبي يرجع ابا اسمح له يراضيني
واقول إعرف وانا اخوك الهوى ما هوب لعب عيال
تِحب تَحب والا انك تروح وخاطرك شيني
