يا لسوط هيض خاطري شوفة الروض
ورقيت أنا الوادي بعالي رجومة
ورجع زمان كان للعين معروض
وعادت على قلب المعنى وسومه
وذكرت جلستنا على بادي النوض
مع حبيبٍ غاب واقفت علومه
خلا غرامة داخل القلب محفوض
مالوم قلبي في غرامة مالومه
لاهو نسى حبي ولا العهد منقوض
لكن ظروف الوقت كانت ظلومه
كان الغلا من بيننا دوم ملحوض
أشكي له همومي ويشكي همومه
وقتٍ وكان القلب في الحب محضوض
يجهل عذاب الحب ويجهل علومه
حلفت عقبة سكة الحب ما اخوض
ما كل طيرٍ طار توكل لحومه
يا بوفهد يا خوك والحال ممروض
ليل العنا مقبل ولا أبغى حلومه
قم شغل الموتر وجنب عن الروض
يكفي على قلب المعنى ظيومه
