بديت باسم الله وأحلى التباريك
مبروك يا اللي ناسيٍ ما عطينا
من أولٍ افرح ليا حل طاريك
واليوم كنك صرت همٍّ علينا
تدري المسافة والزمن صار حاديك
وإلا ترا حنا بعهودك وفينا
يا كثر ما كنت أسهر الليل ساريك
ونشره على افعالك ولا ترحمينا
نسيت ودي يا اريش العين اثاريك
مريض قلب وقاسيٍ ما تلينا
واثر الخيانة راسخة في معانيك
وحنا على الله بالوفا مبتلينا
صابر وتارك هرج من هو حكى فيك
لين اتضح كل الامر في ايدينا
يا مطول الصدات بانت مخافيك
لا واحسافه كيف فيك انعمينا؟
ما قلت لك هرج العواذل يداويك
هذي النتيجة يوم منك انتهينا
لا تردد الهرجات وتقول وش فيك؟
أمسك طريقك واسلكه لا تجينا
وأنا لفاني اللي ما هو بشراويك
الصاحب اللي صافيٍ لي سنينا
وإلا أنت ذكرى والليالي تباريك
ويا جعلها بالخير تذكرك فينا
