|
أمشي على الرمش لاجلك ميل
من شان أقدم لك رساله
من خاطرٍ عارفٍ للقيل
في غيرك الشعر ما قاله
سلطان.. يالشامخ الحلحيل
يا مالك الناس بافعاله
رغم الصعايب قوي الحيل
مع بسمته واسعٍ باله
أنته سندنا إلى جا ميل
بعد الله .. أنته من الجا له
المجد يركب وراك الخيل
يرقا.. ولا أنتاب ترقا له
أنخاك ياللي لحالك جيل
يا نادرٍ مابه أمثاله
ياعنك ماالله كتبك بخيل
يفداك من همه رياله
مثلك أبد مايبي تاويل
دربه عن الناس بلحاله
في حال هايل .. وحال مهيل
وأفعاله تصدق أقواله
لا من غضب صار مثل السيل
يزيل خصمه ومنزاله
ولا من رضى صار مثل النيل
من يارده طيبٍ فاله
من يعرفه صار فوق سهيل
ومن يجهله موته أشوى له |
| 
