اللي درس في مدرسة جور الايام
تكفيه.. واللي ما درس يستمع لي
انا درست بصفها عدة اعوام
واربع دروس اللي زماني جمع لي
الدرس الاول يوم عضيت الابهام
واحد من الميه هو اللي فزع لي
صداقة الباقين تمثيل واوهام
مثل السراب يذوب لو يجتمع لي
وثاني دروس الوقت ما حطه حزام
من عد غلطاتي ولاعد فعلي
وثالث دروس الوقت صدرت الاحكام
ما حفي على درب المقفين نعلي
ان وجهو يم اليمن وجهتي شام
الدرب من فضل الولي متسع لي
ورابع دروس الوقت ثبت الاقدام
على جبال العز ماحد شفع لي
من فضل ربي يوم حققت الاحلام
واللي يدور خوتي يرتفع لي
