وقفتنا في هذا العدد مع الشاعر محمد الناصر العريني شاعر جيد. له العديد من القصايد الجيدة، كتب في العديد من جوانب الشعر المتعددة، له حضور في العديد من المنتديات الشعرية.. له مساجلات مع شعراء بارزين مثل الشاعر المعروف بدر الحويفي وغيره..
يقول عن الملك عبدالعزيز بن عبدالرحمن آل سعود رحمه الله:
مرحوم ياللي بالتواريخ له شان
اللي على سنة محمد بناها
قوم بها السنه على خمس الاركان
عبدالعزيز اللي بروحه فداها
ويقول عن مليكنا المفدى فهد بن عبدالعزيز - حفظه الله-:
فهد المليك الصيرمي طير حوران
عز الوطن درع الوطن والستارا
يشهد له التاريخ والعلم وكدان
من غرس ابو فيصل جنينا الثمارا
وعن وطننا الغالي.. يقول:
يالمملكة مهما حصل من زعازيع
انتي بظل محكمين الشريعة
حكامنا وافين ما هي تصانيع
حكامنا مصدر وفاهم طبيعه
والشعب معهم بالوفاء دايم يطيع
الراس أبو فيصل وشعبه يطيعه
ومن شعر الحكمة يقول:
اهانة النفس العزيزة خيانة
والتجربة خير الدلايل بالامثال
ومتابع المقفين ذل وجبانه
والحر مسكانه على راس ماطال
ويقول:
الكبر نقص وراعي الكبر مذموم
الناقص اللي يدعي بالكمالي
من قال انا الكامل بلا شك منجوم
الكامل المولى عزيز الجلالي
وإلى اللقاء مع ترجمة لشاعر آ خر.. وتقبلوا تحياتي،،،،،
