آسف.. نسيت الذكريات ونسيتك
حتى نسيت أيامنا والسوالف
كنت أرسمك حلم الليالي وجيتك
أحمل معي أشواق بوح العواطف
بعت الفرح لجلك ولجله شريتك
لك ما تبي ما دمت بالشوق نايف
ياما من احساس المحبة عطيتك
غالي وتدري بالمحبة وشايف
يا للأسف يا ليتني ما لقيتك
وياليتني ما شفت غدر الشفايف
غرك زمانك لا تعّذر سليتك
عفت الهوى ما ابي كثير الكلايف
خلك بعيد هناك يكفي محيتك
من خافقي واليوم ما حنا ولايف
بأمس الليالي في كلامي نهيتك
وصار الغلا في ناظرك شي زايف
يكفي.. مواجع لا تعّذر رجيتك
لا لا تردد في ضميرك حسايف
انسى.. ورب البيت شفني نسيت
حتى نسيت اسمك وذيك السوالف
