يا غادتي عودي وأنا أعود لك ريف
ريفٍ ترفرف في سماه البيارق
يستقبلك ربيع ويودعك .. صيف
صيفٍ مناخه للمحبين.. حارق
يشبه ربيعٍ بين نجران وطريف
ويمشي به المشاي لحدود بارق
نقطف زهره بروس ذيك الشفاشيف
يومٍ ان هوانا عن هوى الغير فارق
وتعلنا سحايبٍ جت.. مراديف
نسمع بهن رعاد ونشوف بارق
حبيبتي مليت فتح.. المظاريف
ومن رسم قلبٍ وسطه السهم خارق
متى ركابك لي تعوّد.. مناكيف
بنسى همومٍ لي بها عام غارق
ما يكفي ان الوقت ما هو على الكيف
وأحلى ليالينا لها الوقت سارق
محتاج لك من دون شرحٍ وتوصيف
من قبل لا ييبس غصن كان وارق
