علم وصلني أتعب القلب معناه
توقفت نبضات قلبي بطاريه
يا ليت عمري انتهى قبل طرياه
يا ليتني ما عشت يوم رحل فيه
يا ليت قبره ضمني اليوم وياه
الموت أهون من دموعي وأنا أبكيه
موتي يهون ولا حياتي بلياه
وشي حياتي دون ما اسهر وراعيه
لو هو بكيفي ما تخيرت فرقاه
ياليت لي قدره ومن عمري أعطيه
لو أبعدو عني مكانه وذكراه
والله خياله في خفوقي أناجيه
ما راح عن بالي خياله ونجواه
ليمن طرالي هزني شوق أخفيه
يا جعل ربي يرحم اللي فقدناه
وبجنة الفردوس يارب تحييه
